მენჯის სასკოლო მზაობის ცენტრი

2015 წლის ოქტომბერში, მენჯში(სენაკის რაიონი) სასკოლო მზაობის ცენტრი გაიხსნა. ცენტრის გახსნის ინიციატორმა, საქართველოს სასოფლო დარბაზის საბჭოს წევრმა, მანანა დარსალიამ, ამ პროექტის განხორციელება ბატონ ალექსანდრე კალანდაძის(პროექტის მენეჯერი), საერთაშორისო ორგანიზაცია „კივიტას გეორგიკას“ მხარდაჭერითა და პოლონეთის საელჩოს დაფინანსებით შეძლო. მისი საბოლოო სრულყოფა მოხდა სენაკის მუნიციპალიტეტის საკრებულოსა და გამგეობის სრული მხარდაჭერით. სასკოლო მზაობის ცენტრს ადმინისტრაციულ შენობაში კეთილმოწყობილი ფართი გამოეყო. სენაკის რაიონის გამგებელმა, გოჩა დგებუაძემ, ხელი მოაწერა მემორანდუმს „კივიტას გეორგიკას“ პრეზიდენტ გიორგი მესხიძესთან. ამ ეტაპზე ცენტრში 18 ბავშვი ირიცხება. მშობლები და ბავშვები პროექტით ძალიან კმაყოფილები არიან. რაიონის თვითმმართველობასა და საკრებულოს წევრ ვეფხია ხარბედიას დიდი წვლილი შეაქვთ ცენტრის ყოველდღიურ ცხოვრებაში.