სოციოლოგიური კვლევების ტრენინგი

საქართველოს სასოფლო დარბაზის პროექტის, “სამოქალაქო მონიტორინგი ლანჩხუთისა და ჩოხატაურის მუნიციპალური სერვისების გაუმჯობესებისთვის“ ფარგლებში 30-31 ივლისს ლანჩხუთში და 1-2 აფვისტოს ჩოხატაურში ჩატარდა ტრენინგები პროექტის ფარგლებში შერჩეული ინტერვიუერებისთვის.

ტრენინგების მიზანი იყო მონაწილეებმა იცოდნენ:

• სოციოლოგიური კვლევების მიზნების განსაზღვრა;
• ინსტრუმენტების შემუშავება;
• შერჩევის განსაზღვრა;
• მონაცემთა შეგროვება;
• ანალიზი და ინტერპრეტაცია;
• მოსახლეობის კმაყოფილების ხარისხის კვლევა

მონაწილეებმა შეადგინეს მოსახლეობის კმაყოფილების ხარისხის ანკეტები და პრაქტიკულად ჩაატარეს რამდენიმე ინტერვიუ შემთხვევით ბენეფიციარებთან.

ტრენინგები ჩაატარა პროექტის მენეჯერმა ამირან გიგინეიშვილმა.

პროექტი დაფინანსებულია ევროკავშირისა (EU) და გაეროს განვითარების პროგრამის (UNDP) მხარდაჭერით. 

ტრენინგები სამოქალაქო მონიტორინგის ჯგუფებისთვის

საქართველოს სასოფლო დარბაზის პროექტის, “სამოქალაქო მონიტორინგი ლანჩხუთისა და ჩოხატაურის მუნიციპალური სერვისების გაუმჯობესებისთვის“ ფარგლებში 4-5 ივნისს ლანჩხუთში და 6-7 ივნისს ჩოხატაურში ჩატარდა ტრენინგები პროექტის ფარგლებში შერჩეული მობილური ჯგუფებსითვის.

ტრენინგების მიზანი იყო მონაწილეებმა იცოდნენ:

• სამოქალაქო მონიტორინგის არსი;
• ინფორმაციის მოპოვება სამოქალაქო მონიტორინგისთვის;
• მონიტორინგის სახეები (სამართლებრივი, ეკონომიკური საქმიანობის);
• მონიტორინგის ანგარიშების წერა;
• მედიაში ადეკვატური ასახვის წესები

ტრენინგი მიმდინარეობა დაფუძნებული იყო ევროპის ფონდის გამოცემებზე - „სამოქალაქო მონიტორინგი მოქალაქეთა მონაწილეობით“ და ადგილობრივი თვითმმართველობის მონიტორინგის სახელმძღვანელო“.

ტრენინგები ჩაატარა პროექტის მენეჯერმა ამირან გიგინეიშვილმა.

პროექტი დაფინანსებულია ევროკავშირისა (EU) და გაეროს განვითარების პროგრამის (UNDP) მხარდაჭერით.

სამუშაო-სადისკუსიო შეხვედრა ჩოხატაურში

საქართველოს სასოფლო დარბაზმა დაიწყო პროექტი “სამოქალაქო მონიტორინგი ლანჩხუთისა და ჩოხატაურის მუნიციპალური სერვისების გაუმჯობესებისთვის“. პროექტის მიზანია ლანჩხუთისა და ჩოხატაურის მუნიციპალური მომსახურების ხარისხის ამაღლება მუნიციპალური ა(ა)იპ-ების მეტი გამჭვირვალობის ხელშეწყობის გზით, რაც მიიღწევა ადგილობრივი არასამთავრობო ორგანიზაციებისა და მედიის ერთობლივი სამოქალაქო მონიტორინგის შედეგად და სათემო ინიციატივების გაძლიერებით ადგილობრივი გამოწვევების გადასაჭრელად.

პროექტის ამოცანებია:

• თითოეულ მუნიციპალიტეტში სამი ა(ა)იპ-ის, სულ 6 ა(ა)იპ-ის შერჩევა მონიტორინგისთვის
• მონიტორინგის წარმოება სამოქალაქო ორგანიზაციების მიერ
• დასკვნებისა და რეკომენდაციების შემუშავება ა(ა)იპ-ის შემდგომი განვითარების თვალსაზრისით
• მოქალაქეთა იდეების შერჩევა და განხორციელება 11 000 ლარის ფარგლებში ლანჩხუთის და 11 000 ლარის ფარგლებში ჩოხატაურში

პროექტის ფარგლებში ჩოხატაურში არსებული სამოქალაქო საზოგადოების ორგანიზაციების მონაწილეობით გაიმართა სამუშაო-სადისკუსიო შეხვედრა, სადაც მონაწილეები გაეცნენ პროექტის მიზანსა და ამოცანებს. შეხვედრაზე სამოქალაქო მონიტორინგისთვის გონებრივი იერიშის მეთოდით შეირჩა ჩოხატაურის მუნიციპალიტეტის შემდეგი არასამეწარმეო (არაკომერციული) იურიდიული პირები: „ჩოხატაურის მუნიციპალიტეტის არაფორმალური განათლებისა და კულტურული მემკვიდრეობის დაცვის ცენტრი“, „„ჩოხატაურის მუნიციპალიტეტის სახელოვნებო სკოლების გაერთიანება“. „„ჩოხატაურის მუნიციპალიტეტის სერვის ჯგუფი“.

პროექტი დაფინანსებულია ევროკავშირისა (EU) და გაეროს განვითარების პროგრამის (UNDP) მხარდაჭერით.