საწყისი

„სამოქალაქო მონიტორინგი მუნიციპალური სერვისების გაუმჯობესებისთვის“

საქართველოს სასოფლო დარბაზმა ევროპის ფონდისა და შვედეთის საერთაშორისო განვითარების და თანამშრომლობის სააგენტოს მხარდაჭერით დაიწყო პროექტის „სამოქალაქო მონიტორინგი მუნიციპალური სერვისების გაუმჯობესებისთვის“ განხორციელება.

დაიწყო პროექტის “სამოქალაქო მონიტორინგი მუნიციპალური სერვისების გაუმჯობესებისთვის“ განხორციელება

საქართველოს სასოფლო დარბაზმა ევროპის ფონდისა და შვედეთის საერთაშორისო განვითარების და თანამშრომლობის სააგენტოს მხარდაჭერით დაიწყო პროექტის “სამოქალაქო მონიტორინგი მუნიციპალური სერვისების გაუმჯობესებისთვის“ განხორციელება.

პროექტის მიზანია საქართველოს სასოფლო დარბაზისა და ადგილობრივი მედია საშუალებების კოალიციური ძალისხმევით, საზოგადოების სამსჯავროზე გამოვიტანოთ, სოციალურ და ეკონომიკურ ჭრილში განსჯადი გავხადოთ სენაკის, ხაშურისა და ლანჩხუთის მუნიციპალური ცხრა არასამეწარმეო იურიდიული პირის (ა.ი.პ.) საქმიანობა. დავეხმაროთ ა.ი.პ.-ებს თავიანთი სერვისების გაუმჯობესებაში და მათი საქმიანობის შესახებ საზოგადოების ინფორმირებაში.

კოალიცია ადგილებზე მოქმედ არასამთავრობო ორგანიზაციებთან ერთად ჩამოაყალიბებს სამოქალაქო მონიტორინგის მობილურ ჯგუფებს. განახორციელებს სამიზნე ა.ი.პ.-ების საქმიანობის მონიტორინგის და მედიის საშუალებით მოახდენს საზოგადოების ინფორმირებას.

საზოგადოებისათვის მიწოდებული სერვისების გაუმჯობესების მიზნით მომზადდება მოქალაქეთა ანგარიშგების ბარათები, ჩატარდება სამიზნე აუდიტორიის კვლევა. ა.ი.პ.-ების პერსონალი შეიძენს მათთვის საჭირო უნარ-ჩვევებს რათა უკეთ შეძლონ ბენეფიციარებთან კომუნიკაცია და გააუმჯობესონ მათთვის შეთავაზებული სერვისები;

პროექტის ამოცანებია:

• თითოეულმუნიციპალიტეტში სამი სამიზნე ა.ი.პ.-ის შერჩევა, მონაწილეობითი სამოქალაქო მონიტორინგის განხორციელებისათვის.
• მონაწილეობითი სამოქალაქო მონიტორინგის მობილური ჯგუფების ჩამოყალიბება და მათთვის ამ პროცესის განხორციელებისათვის საჭირო უნარ-ჩვევების გადაცემა. მონიტორინგის წარმოება
• ბეჭდური მედიის საშუალებით, საზოგადოების ინფორმირება არასამეწარმეო იურიდიული პირების (ა.ი.პ) საქმიანობისა და სამიზნე ა.ი.პ.-ებში განხორციელებული მონიტორინგის შედეგების შესახებ.
• შერჩეული ა.ი.პ.-ებისათვის, მათ მიერ საზოგადოებისათვის მიწოდებული სერვისების გაუმჯობესების მიზნით მოქალაქეთა ანგარიშგების ბარათების მომზადება, სამიზნე აუდიტორიასთან კვლევის ჩატარება და შესაბამისი ანგარიშის მომზადება. ა.ი.პ.-ების პერსონალისათვის შესაბამისი უნარ-ჩვევების გადაცემა საზოგადოებასთან ეფექტური კომუნიკაციის დამყარების მიზნით.

პროექტის საბოლოო მომხმარებლებს წარმოადგენენ ხაშურის მუნიციპალიტეტის 52000 - მცხოვრები, ლანჩხუთის მუნიციპალიტეტის 31000-მდე მცხოვრები და სენაკის მუნიციპალიტეტის 40000-დე მცხოვრები, როგორც მუნიციპალური სერვისების მომხმარებელი თემები, სულ მცირე 123 000 ადამიანი. ცოდნასა და უნარებს აიმაღლებს აიპ-ბის 60 წარმომადგენელი. მონიტორინგის შედეგებს გაეცნობა სამი მუნიციპალიტეტის მოსახლეობის სულ მცირე 30%, პროცესში ჩაერთვებიან სამივე მუნიციპალიტეტის საკრებულოები და მერიის სამსახურები და რა თქმა უნდა 9 მუნიციპალური აიპ-ს შემადგენლობა.

საკრებულოს ანგარიშვალდებულებისა და გამჭვირვალეობის ელექტრონული კომუნიკატორი

დღეს, ,,საქართველოს სასოფლო დარბაზის“ აღმასრულებელმა დირექტორმა ამირან გიგინეიშვილმა ლანჩხუთის მუნიციპალიტეტის საკრებულოს აპარატის თანამშრომლებს, პროექტის "საკრებულოს ანგარიშვალდებულებისა და გამჭვირვალეობის ელექტრონული კომუნიკატორის" შესახებ პრეზენტაცია წარუდგინა.
,,საკრებულოს ელექტრონული მენეჯერი“ არის ვებ-პლატფორმა, რომელიც ლანჩხუთის მუნიციპალიტეტში საჯარო მმართველობის რეფორმის დანერგვის ხელშეწყობის მიზნით შეიქმნა.
მისი საშუალებით მოქალაქეს შესაძლებლობა ექნება შეიტყოს საკრებულოში დაგეგმილი ყველა ღონისძიების შესახებ, უშუალოდ დაუკავშირდეს ნებისმიერ საკრებულოს წევრს, აპარატის წარმომადგენლებს, მიწეროს წერილი ან განახორციელოს სატელეფონი კომუნიკაცია მათთან.
გარდა ამისა, მნიშვნელოვანია, რომ სისტემა გამჭვირვალეა ნებისმიერი დაინტერესებული პირისთვის, საჯაროა რამდენ წერილს უპასუხა ადრესატმა და აქვს თუა არა ასევე უპასუხო შეტყობინებები.
პროექტი „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ მხარდაჭერილი პროექტების ფარგლებში ხორციელდება.