საწყისი

ინტერნეტი ორაგვესთვის

საქართველოს სასოფლო დარბაზის პროექტის „თანამშრომლობა ადგილობრივი განვითარებისთვის“ ფარგლებში დასრულდა ლანჩხუთის მუნიციპალიტეტის სოფელ ორაგვეს მცხოვრებთა მიერ მიერ წარმოდგენილი საპროექტო იდეების ელექტრონული კენჭისყრის პროცესი. სულ წარმოდგენილი იყო 2 საპროექტო იდეა: „ინტერნეტი და ტელევიზია ორაგვესთვის” და „ორაგვეში შინმოუსვლელთა სტენდისა და სკვერის რეაბილიტაცია“. 30 ხმით 3-ის წინააღმდეგ, გაიმარჯვა იდეამ „ინტერნეტი და ტელევიზია ორაგვესთვის”. ორაგვეს მოსახლეობას ერთი თვის შემდეგ ექნება შესაძლებლობა ოჯახებში შეიყვანოს მაღალი სიჩქარის ინტერნეტი ტელევიზიის მიღების შესაძლებლობით. იდეა დაფინანსებულია გაეროს განვითარების პროგრამის (UNDP), დანიის საგარეო საქმეთა სამინისტროსა და საქართველოს მთავრობის მხარდაჭერით. 

ხმა მიეცი სასურველ იდეას ორაგვესთვის

საქართველოს სასოფლო დარბაზი გაეროს განვითარების პროგრამის მიერ დაფინანსებული პროექტის „თანამშრომლობა ადგილობრივი განვითარებისთვის“ ფარგლებში, ლანჩხუთის მუნიციპალიტეტის სამი სოფლის და ჩოხატაურის მუნიციპალიტეტის სამი სოფლის მცხოვრებთა საპროექტო იდეებს დააფინანსებს. ამ დროისთვის მიმდინარეობს იდეების ელექტრონული კენჭისყრა ორაგვედან (ლანჩხუთის მუნიციპალიტეტი). წარმოდგენილია ორი იდეა: ა) სოფლის მწვანე ზონის რეაბილიტაცია და ბ) ინტერნეტი და ტელევიზია ორაგვესთვის. სოფლის მოსახლეობას შეუძლია ხმის მიცემა კომპიუტერით ან ტელეფონით. ამიტომ. 1. შედით კომპიუტერით ან ტელეფონით საიტზე www.idealanchkhuti.ge , 2. დააჭირეთ მარცხნივ მდებარე ღილაკს „ხმის მიცემა“. 3. დარეგისტრირდით სისტემაში შესასვლელად .4) შედით სისტემაში და მიეცით ხმა. შენი ხმა მნიშვნელოვანია.

ბურნათის მოსახლეობის მუნიციპალური სერვისებით კმაყოფილების ხარისხის კვლევა

საქართველოს სასოფლო დარბაზმა 2023 წლის მარტსა და აპრილში პროექტის - „თანამშრომლობა ადგილობრივ განვითარებისთვის“ ფარგლებში, ჩოხატაურისმუნიციპალიტეტის სოფელ ბურნათში ჩაატარა კვლევა.   კვლევის მიზანი იყო სოფლის მოსახლეობის კმაყოფილების ხარისხის განსაზღვრა ჩოხატაურის მუნიციპლიტეტის მიერ 2021, 2022 წლებში ამ სოფლებში გაწეული ინფრასტრუქტურული, სოციალურ-კულტურული, ახალგაზრდული და სოფლის მხარდაჭერის პროგრამებით გაწეული საქმიანობისა და სერვისების გარშემო, ე.წ. "მოსახლეობის ანგარიშგების ბარათი".

კვლევა ჩატარდა გაეროს განვითარების პროგრამის (UNDP), დანიის საგარეო საქმეთა სამინისტროსა და საქართველოს მთავრობის მხარდაჭერით. კვლევაში გამოთქმული მოსაზრებები ავტორისეულია და შეიძლება არ ასახავდეს ზემოთ ჩამოთვლილი საერთაშორისო ორგანიზაციების მოსაზრებებს.'

ჩამოტვირთეთ კვლევის ანალიზი